Que ver en Cangas do Morrazo | Hotel H4 Cangas
Entorno
Estamos namorados de Cangas do Morrazo e de cada un dos seus recunchos, e estamos seguros de que ti tamén o estarás. Queremos que goces de cada paisaxe da nosa comarca e que te deixes levar pola súa beleza, para que poidas desconectar e regresar con máis enerxía á túa vida diaria.
Desde praias de augas cristalinas e area branca ata illas con algunhas das mellores praias do mundo; lugares con atardeceres inesquecibles ata unha ampla oferta deportiva, tanto acuática como terrestre. E, por suposto, todo iso acompañado dunha gastronomía baseada no produto fresco, que conquistou a centos de miles de persoas.
Benvidos ao noso paraíso. Benvidos a Cangas.
Praia Areamilla
A tan só 1 km do hotel atópase a praia de Areamilla, un lugar privilexiado protexido como espazo natural. Con area branca e acceso fácil, é unha opción perfecta para gozar dun día en familia.
Praia Liméns
É a praia principal da enseada de Liméns e exténdese por máis de 300 metros de lonxitude. Destaca pola súa ampla oferta de servizos, o que a converte nun lugar ideal para practicar deportes acuáticos, bañarse e gozar da gastronomía local. Dispón de aparcadoiro, duchas e un acceso sinxelo. Xunto a ela atópase a praia de Santa Marta, de características similares.
Praia Nerga
Con os seus 700 metros de lonxitude, a praia Nerga é unha opción ideal para pasear pola súa area fina e darse un baño nas súas augas transparentes. Situado nunha zona protexida, atópase xunto á cala de A Nova.
Praia Rodeira
Moi cerca do núcleo urbano e unha das mellor equipadas (zona de aparcadoiro, bares e cafeterías próximas). Rodeada por un paseo de madeira e carril bici, a praia Rodeira é unha opción ideal para a práctica de deporte.
Illas Cíes
E se che dicimos que desde Cangas se pode acceder á mellor praia do mundo? Non o dicimos nós, senón o prestixioso medio británico The Guardian, que outorgou este recoñecemento á Praia de Rodas, nas Illas Cíes.
Nas Cíes, podes realizar diversas rutas e excursións para gozar dun entorno natural protexido. Pola súa razón, o acceso ao parque está limitado diariamente e é necesario solicitar unha autorización previa para poder reservar un billete de barco.
¡Prepárate para descubrir un destino único!
Illas de Ons
A menos dun cuarto de hora de Cangas, desde o porto de Bueu, pódese acceder á Illa de Ons, un dos paraísos naturais máis impresionantes de Galicia. Déixate levar polos seus recunchos máxicos, onde atoparás formacións únicas como as furnas, entre elas o emblemático Buraco do Inferno. Descubre un entorno cheo de vida, cunha fauna excepcional, e mergúllate na súa riqueza etnográfica e cultural.
Ao igual que nas Cíes, o acceso á illa está limitado e é necesario contar cunha autorización previa para poder visitala.
Goza dunha experiencia inesquecible!
Gastronomía
Un dos grandes atractivos de Galicia é, sen dúbida, a súa gastronomía, e nós estamos orgullosos diso. A nosa comida e bebida gozan de fama internacional, cunha cociña versátil que vai moito máis alá dos produtos do mar e que recomendamos gozar con excelentes viños.
Ven e descubre o significado de Galicia Calidade.
Deporte
Desde kayak ou paddle surf ata rutas de sendeirismo ou en bicicleta, a zona ofrece unha gran variedade de actividades para gozar da natureza en estado puro.
Unha das máis emblemáticas é a ruta de sendeirismo do Cabo Home, un percorrido accesible que te levará por praias espectaculares, impoñentes penedías e os seus icónicos faros. E, por suposto, unha parada obrigatoria: a concha do Cabo Home, o lugar perfecto para contemplar un dos atardeceres máis impresionantes do mundo.